Патриотическое воспитание: школьники из Иванска посетили памятные места Чашниччины
Напярэдадні Дня народнага адзінства вучні і педагогі Іванскай школы наведалі памятныя месцы Чашніччыны.
Гістарычная памяць адыгрывае значную ролю ў выхаванні падрастаючага пакалення. Упэўнены ў гэтым настаўнікі Іванскай школы. Таму да самага маладога дзяржаўнага свята прымеркавалі экскурсію ў вёску Зарэчная Слабада.
Месца выбралі невыпадкова: менавіта тут у лютым 1942 года нямецка-фашысцкія захопнікі расстралялі жыхароў Чашніцкага гета. Колькасць ахвяр перавысіла 1800 чалавек. Хлопцам і дзяўчатам расказалі пра трагічныя падзеі, якія адбыліся на полі за вёскай, нагадалі, што Вялікая Перамога была б немагчымай без адзінства нашага народа ў барацьбе з ворагам.
Усе разам усклалі кветкі да помніка і ўшанавалі памяць загінуўшых хвілінай маўчання, пацвердзілі намер захоўваць самую галоўную заваёву – незалежнасць Радзімы.
Галіна ЖУКАВА
